Recoñecidos escritores piden a dimisión de Varela

Ler en A Nosa Terra 25-01-2010

Novo golpe ao Goberno de Alberte Núñez Feixóo. Desta vez, once escritores galegos –todos eles recoñecidos cos premios de literatura outorgados a nivel estatal polo Ministerio de Cultura– fan fronte común co fin de lograr a dimisión do conselleiro Roberto Varela. A causa, “o escaso coñecemento” da cultura de Galiza e a súa “falta de consideración”.

Segundo informa Xornal de Galicia, a misiva asinada por Manuel Rivas, Suso de Toro, Alfredo Conde, Agustín Fernández Paz, Xabier Docampo, Xusto Beramendi, Paco Martín, Antón Santamarina, Fina Casalderrey, Manuel Lourenzo ou Rubén Ruibal reclama a dimisión ou cesamento inmediato de Varela polo desprezo sintomático cara á cultura do país.