O noso manifesto

Entidades adheridas á plataforma

dimarts, 23 de juny de 2009

'Queremos os mellores funcionarios, falen no que falen'

Ler en A Nosa Terra 23-06-2009

'Mercenarios', 'traidores' e comparacións co alzamento de Franco. Estes son algúns dos cualificativos que recibiron os conservadores antes de aprobaren en solitario o primeiro paso para limitar os dereitos do galego na Administración. Dende hoxe, os opositores non terán que facer ningún exame na lingua do país, algo único nas autonomías con lingua propia. 'Non ten sentido que un excelente médico non pase un exame por non saber galego', alega a conselleira de Facenda.

Carta dunha estudante ao conselleiro de Educación

Ler en Vieiros 23-06-2009

Sr. Conselleiro de Educación

Son unha alumna de 1º de Bacharelato do IEs Escolas Proval que quere manifestar o seu dereito a expresarse e a dicirlle algunas cousas:

1.- Que lle escribo no meu nome, sen estar influenciada nin polos meus profresores, nin amigos, nin familiares.

2.- Que aínda que escribo en galego, a miña vida normal desenvólvese en castelán, a lingua na que me educaron, aínda que meus pais entre eles ás veces falan en castelán e ás veces en galego.

3.- Que todo isto das enquisas paréceme un disparate sen ningún sentido. Ao único que nos vai levar é a un enfrontamento orixinado pola obriga a ter que posicionarnos nunha das dúas opcións, é como se a un neno o obrigasen a elixir entre a súa nai e o seu pai e respondese que os quere por igual. O mesmo pasa coas linguas de Galicia, se somos bilingües, as dúas teñen que ter as mesmas oportunidades e falarse nos mesmos sitios.

4.- Ademais quero dicirlle que na escola é hoxe en día case o único lugar, polo menos eu así o vexo, onde moitos rapaces, a gran maioría, teñen contacto co galego. Se vostede vai ao Centro Comercial da Ramallosa, ao cine, á discoteca… case toda a vida social dos adolescentes se desenvolve practicamente en castelán. Estamos en Nigrán, como podíamos estar en Ciudad Real ou en Cáceres, soamente na escola sabemos que estamos nun instituto de Galicia, onde nos sentimos galegos, onde podemos falar sen prexuízos, onde non parece que falemos nunha lingua infravalorada, e créame señor Conselleiro, iso soamente se consegue, como dicía castelao, por obra e gracia do idioma.

Miriam Veiro
1º Bacharelato Humanidades. IES ESCOLAS PROVAL
NIGRÁN

Últimas oposicións con proba en galego

Ler en Vieiros 23-06-2009

Con maioría absoluta no Parlamento do Partido Popular, a reforma da Lei de Función Pública para eximir aos opositores de examinarse dunha proba de galego, é xa unha realidade. Esta modificación asúmese ademais polo trámite de urxencia e con carácter retroactivo para as oposicións que estean convocadas cando a reforma entre en vigor, co que os exames deste mes de xuño serán, con toda probabilidade, os últimos que no ámbito do ensino conten cunha proba na nosa lingua.

A comarca do Xallas dálle un si ao galego

Ler en Vieiros 23-06-2009

O IES de Santa Comba organizou unha enquisa paralela á da consellaría. A maior parte dos pais pide que a lingua do país sexa a máis usada no horario lectivo.

Concentración no Parlamento a prol do galego nas oposicións

Ler en A Nosa Terra 23-06-2009

Os arredores do Parlamento, na rúa do Hórreo, acollen hoxe unha protesta contra a modificación da Lei da Función Pública, impulsada como unha medida “urxente” polo goberno da Xunta que preside Alberte Núñez Feixóo. Con este cambio, o PPdeG elimina o artigo que estabelece que ao menos unha das probas para o acceso a un posto na administración galega han ser na lingua propia de Galiza.

A Xunta obvia o decreto do galego en educación infantil


Na mesa sectorial celebrada o onte, Educación presentou a orde que recolle as liñas de actuación no segundo ciclo de educación infantil. O documento nin sequera menciona o decreto que regula o emprego do galego no ensino e que actualmente está en vigor. Segundo denuncia a CIG-Ensino os novos textos contradín a actual norma da lingua.

Cercar en aquest blog

Arxiu del blog

Seguidors

Contador