Vázquez: "Gloria Lago non respecta o idioma"

Ler en Galicia Hoxe 03-07-2009

O secretario xeral dos socialistas galegos, Manuel Vázquez, que se reuniu o xoves con Galicia Bilinge, reduciu este encontro a unha xuntanza de "cortesía parlamentaria" , que demostra que os socialistas "escoitan" todas as opinións.

Con todo, aseverou que o PSdeG "non coincide no 95 por cento" das posturas que defende e precisou que reunirse con este colectivo "non significa en absoluto" que os socialistas compartan posicións con el. De feito, acusou a Galicia Bilingüe -a asociación presidida por Gloria Lago- de "tampouco respectar" a lingua deste país, pero incidiu en que os socialistas "respectan" todos os colectivos. Manuel Vázquez insistiu en que "non hai represión lingüística" en Galicia polo castelán e asegurou, cando lle preguntaron pola petición deste colectivo para que condene os ataques a Galicia Bilingüe, que no país "non hai represión lingüística" e que "non existían" problemas por razón de lingua ata que "alguén abriu este melón", en referencia a Núñez Feijóo.