As consellerías do Bloque dispararon as subvencións da Xunta á Mesa

Ler en La Voz de Galicia 05-07-2009

No 2007 achegaron 342.000 euros sobre un total de 385.000, 125.000 máis que os que recibiu a Real Academia.

A Mesa pola Normalización Lingüística multiplicou na pasada lexislatura os seus ingresos en subvencións da Xunta grazas á presenza do BNG no Goberno galego. A achega das consellerías nacionalistas resultou determinante no incremento exponencial rexistrado nas cantidades achegadas polo Executivo autonómico á organización creada en 1986 para promover o uso do galego, que entre o 2006 e o 2007 pasaron de 54.761 a 385.912 euros. Desa cantidade, 342.000 euros procederon de convenios e insercións publicitarias de Vicepresidencia, Industria, Cultura e Vivenda, departamentos que controlou o Bloque dentro do Goberno de coalición.