"O uso partidista da lingua é común a todos"

Ler en El País 18-09-2009

Unha cousa é falar co historiador Ramón Villares, e outra facerlle unha entrevista ao presidente do Consello. O responsable da institución que puxo a andar Ramón Piñeiro en 1983 di que a utilización partidista da lingua é común "a todas as formacións", despois de convir que cómpre renovar "un pacto de non agresión no que respecta á lingua e á cultura". "Ese foi o pacto da Autonomía". O historiador coordina desde hai dous anos, con Josep Fontana, a edición dos 12 volumes de Historia de España. E aclara, indirectamente, por que o responsable do PP na Coruña lle pode chamar "coruñés de pro" a Millán-Astray sen consecuencias políticas: "O canon dos vencedores non foi revisado na Transición".