A lingua e o galo montés

Ler en Galicia-Hoxe 19-07-2009

En entrada a primavera, aí entre abril e maio, o galo montés entra en período de celo nas fragas europeas nas que aínda sobrevive. Cada ano, os machos concéntranse sempre á beira das mesmas zonas boscosas, os cantadeiros, entre tesos bidueiros, espiñentos acivros e rexos carballos, onde durante o amencer e no solpor compiten cun cantar, que disque lembra ao do extinto uro -de aí o nome científico de Tetrao urogallus-, por atraer as esixentes pitas do monte.