A sociedade é "bilingüe"

Ler en Galicia Hoxe 19-06-2009

O secretario xeral de Política Lingüística, Anxo Lorenzo, afirmou onte que o Goberno de Núñez Feijóo non acepta que haxa "guerras lingüísticas" nin que a cuestión do idioma "estea no medio de extremismos de diferentes signos", engadiu. Tras asinar un convenio de colaboración en materia de normalización lingüística coa Asociación de Empresarios e Profesionais Compostela Monumental, Lorenzo manifestou que a política que faga a Xunta neste terreo estará "centrada e dirixida" á maior parte dos galegos, que queren "unha sociedade bilingüe", que na autonomía coexistan os dous idiomas oficiais e que "promocionemos activamente a lingua que precisa axuda, que é a galega", dixo.