Só Vázquez controla a ‘consulta Vázquez’

Ler en Galicia Hoxe 15-06-2009

Hoxe remata o repartimento das enquisas da Consellería de Educación sobre as preferencias lingüísticas dos pais no ensino, que, segundo datos de Educación, xa están dispoñibles en "máis do 90% dos 1.490 centros educativos galegos que forman parte deste proceso." Porén, agora ábrense as dúbidas sobre o control do reconto, que será realizado, segundo informou onte a Consellería, por "un equipo especialmente dedicado", unha constatación de que non haberá vixilancia externa.