O presidente da Xunta destaca que o novo decreto do galego estará pensado para “a maioría da poboación”

Ler na web da Xunta de Galicia 18-06-2009

“Queremos un decreto no que estea a maioría da poboación, e non o 10% como no anterior”. Así se referiu hoxe o presidente da Xunta, Alberto Núñez Feijóo, á consulta sobre a implantación do galego no ensino non universitario que estes días responden os pais e nais da Comunidade. “Para saber que opina a poboación galega só hai unha forma: preguntarlles. Nós non temos ningún medo a escoitar o que teñen que dicir os pais. Serán os que non queren que opinen os que o terán que explicar”, engadiu.