Fotos da manifestación contra o Decreto do PP

Ducias de milleiros de persoas toman Compostela para defenderen a lingua

Vieiros 21-I-2010

Os máis de 1.500 centros de ensino público non universitario que hai no país estiveron, no mellor dos casos, baixo mínimos. O seguimento da folga entre o profesorado aproximouse ao 80% entre o profesorado (aínda que Educación tenta rebaixala a algo menos dun 50). Na manifestación central de Compostela, a pesar do habitual baile de cifras, ninguén discute que participaron ducias de milleiros de persoas. Unha cifra, xa de por si sorprendente, convértese en histórica se se ten en conta que o acto tiña lugar nun día laborábel.

Mais a pesar do clamor contra o decreto, o PPdeG teima en refuxiarse na soidade dos seus cuarteis de inverno. O primeiro exemplo do profundo divorcio coa rúa deuno o voceiro do PPdeG. Cando a zona vella de Compostela era un fervedoiro de xente chegada de todo o país, Antonio Rodríguez Miranda non tivo pudor en afirmar que a maioría da xente que se estaba a manifestar “ou foran presionadas polos piquetes preventivos ou estaban moi cómodas co decreto do bipartito, baseado na inmersión lingüística do galego e no recorte de liberdades individuais”.

Máis información aquí

Anxo Louzao: "Esta é unha das manifestacións con máis participación na historia do ensino en Galiza"

Para o secretario xeral da CIG-Ensino, Anxo Louzao "estamos ante unha das manifestacións con máis participación e máis seguimento da historia do ensino na galiza". Segundo os datos que achegou, un noventa por cento das e dos mestres e alumnado secundou a folga en todo o país. "Estamos ante unha folga co apoio do estudantado, de pais e nais hoxe e hoxe as aulas están valeiras en repulsa e rexeitamento a unhas bases que queren reixeitar o galego do ensino", dixo.

Máis información aqui

O ensino en galego foi respaldado por milleiros de persoas en Compostela

"A folga do ensino foi un éxito", comezou falando Anxo Louzao. Os centro de ensino están baleiros "como respulsa a agresión que está a recibir o noso idioma por parte desde goberno", afirmou. Vendo o Obradoiro acugulado de xente, o secretario nacional da CIG-Ensino non puido senón dar as "grazas polo esforzo do estudantado, do profesorado e de moitos pais e nais, que entre todos por fin fixemos posible este rexeitamento contra o decretazo da nosa lingua".

Máis información aquí

Para que serve o galego

Fantásticas diapositivas que andan pola rede

Para Que Serve O Galego

View more presentations from Loli Cid Cid.

Eu falo tv - proximamente

Programa de conversas "Fálame galego!"

O Centro Galego de Barcelona e a plataforma Defensem la llengua gallega poñen en marcha un programa de conversas galego-catalán.

Hai dúas modalidades nas que podes participar:
- o voluntariado lingüístico, no que galeg@s afincad@s en Barcelona poderán axudar a aquelas persoas que estean interesadas en practicar o galego.
- o intercambio lingüístico galego-catalán, no que amb@s participantes poderán practicar a lingua que queren aprender.

Podes participar como voluntari@, como aprendiz/a ou como participante do intercambio galego-catalán.

Cubre os datos do formulario en liña de abaixo e dálle ao botón enviar:



Se o prefires tamén podes cubrir unha ficha de inscrición e mándanola a voluntariadocgb@gmail.com.

Son neofalante

Ler en Vieiros 20-10-2009

Cando medrei tiven as miñas inquedanzas e unha delas foi o galego. Entroume aquel becho logo de saber que os meus avós foran aldraxados na miña cidade por falaren galego publicamente; entroume o becho porque o meu nome en galego vén dende que os meus pais me bautizaron relixiosamente; entroume o becho porque atopaba noutros amigos casos en que nas súas casas se falaba galego pero fóra non; entroume o becho que era a conciencia de ser galego, de identificarme con Galiza e procurar a miña identidade. Foi un proceso parello a outras inquedanzas.

Queremos galego 2.0!

Ler en Vieiros 19-10-2009

A manifestación deste domingo a prol do galego xa está a atinxir un importante espazo na internet. As novas tecnoloxías mandan, polo que están a predominar os vídeos subidos a YouTube sobre as fotos. Así, hai varios momentos da convocatoria, entre os que destacan o momento en que soou o Himno. De feito hai dous vídeos que recollen ese instante. O ambiente festivo queda patente en pezas como esta.

Acusan a Xunta de querer desmobilizar nas escolas os equipos de normalización

Ler en Vieiros 08-10-2009

"Isto constitúe un novo recorte do Goberno do PP ao ensino, e que neste caso afecta á promoción da lingua galega nun dos ámbitos de actuación prioritario segundo o Plan de Normalización Lingüística Vixente e o decreto en vigor 124/2007". A denuncia facíana este xoves Carme Adán e Bieito Lobeira, advertindo de que a Consellaría de Educación suprimiu as axudas a proxectos de fomento da lingua galega nos centros escolares.

Queremos galego

A plataforma cidadá QUEREMOS GALEGO convoca unha gran manifestación en favor da lingua para o vindeiro domingo 18 de outubro en Santiago de Compostela

Máis información na web

El PSdeG respalda la legalización del topónimo 'La Coruña'

Ler en El Pais 29-09-2009

Una tormenta política se levantó ayer sobre un asunto que parecía definitivamente zanjado: el del topónimo oficial de A Coruña. Las declaraciones del alcalde, el socialista Javier Losada, a este periódico, en las que se mostraba a favor de "legalizar" el topónimo La Coruña e instaba a la Xunta a tomar la iniciativa al respecto, provocaron reacciones en cadena. Hasta el PSdeG, contrario desde hace lustros a la L, se mostró comprensivo con Losada, y expresó su disposición a apoyarle si su propuesta goza del "consenso de la ciudad".

Rosario Álvarez : “O esforzo de ser bilingües sempre foi un mérito dos galegofalantes”

Ler en Galicia Hoxe 28-09-2009

Unha Galicia ‘bilingüe natural’ non che parece a ti un espantallo arrodeado polo espurio vento da falsidade da historia?
É que, como digo, habería que matizar moito o de bilingüe. Tamén o de natural. Na presenza inicial do español en Galicia non hai nada de natural, porque nada que se impoña o é; o español non naceu aquí, o galego si. Que non sexa natural non quere dicir que non sexa común ou habitual que a lingua do poder acabe instalándose nos territorios conquistados ou anexionados; pensa, por exemplo, que nós
falamos unha lingua que procede do latín dos invasores romanos. Ora ben, sempre é lexítima a resistencia lingüística e cultural, e nese sentido non nos foi mal: aquí seguimos, despois de séculos sen poder político, falando a lingua maioritaria.

Sobrevivir en gallego

Ler en El País 24-09-2009

"Ahora se puede decir que vivimos en un país libre, en el que se puede hablar gallego o castellano", sentenció hace unos días, como ejemplo de las bienaventuranzas de la victoria de Feijóo, el presidente de la Diputación y del PP de Pontevedra, Rafael Louzán. Lo dijo en el castillo de Soutomaior, en el acto de despedida del veraneante ilustre que los conservadores hacen ahora a Rajoy como hacían antes a Fraga, hasta que se quedó. A Louzán se le podrá discutir cualquier cosa, excepto que conoce de sobra en qué mundo vive, así que lo que dijo hay que atribuírselo a un exceso de esa pasión tan gallega, rayana en la idolatría, de satisfacer al veraneante. Porque Louzán sabe perfectamente que el derecho a elegir idioma se conquistó con la derogación del régimen franquista, no con la del gobierno bipartito. Y también que una cosa es tener el derecho y otra ejercerlo.

Barreiro pide que las misas del Xacobeo incluyan el gallego

Ler en El Pais 22-09-2009

La Real Academia Galega (RAG) pretende que los turistas que acudan a la conmemoración del año Xacobeo "se den cuenta de que están en Galicia". Para lograrlo, su presidente, Xosé Ramón Barreiro, propone que el Arzobispo de Santiago, Julián Barro, introduzca el gallego en las contestaciones a las ofrendas al Apóstol. "Aunque sea de manera leve, con palabras o pequeños textos, para que la gente que esté escuchando, sea de donde sea, se percate de que aquí también hay un idioma", explicó ayer al lado del conselleiro de Cultura, Roberto Varela, con quien mantuvo, dijo, "una conversación distendida".

Gloria Lago: “Se Feijóo non cumpre o que prometeu, podemos darlle moitas sorpresas”

Ler en O Xornal de Galicia 21-09-2009

>> A presidenta de Galicia Bilingüe confesa estar “mosqueada” cos primeiros pasos do novo Goberno galego

>> Cualifica as preguntas da enquisa de Educación como "tramposas"

>> Pensa que a Lei de Normalización Lingüística "é doutra época" e "estaría encantada de que cambiase"

O decreto, "dentro de marxes"

Ler en Galicia Hoxe 18-09-2009

O novo decreto do galego nas aulas será "negociable" aínda que "dentro dunhas marxes" determinadas.Así o asegurou onte o concelleiro de Educación, Jesús Vázquez, en declaracións a Radio Nacional de España, nas que se comprometeu a aprobar o novo texto en Nadal.

"Todas as organizacións sindicais, partidos e mesmo votantes do PP"

Ler en Vieiros 18-09-2009

Cando falta exactamente un mes para a celebración da manifestación en defensa da nosa lingua que promove a recentemente constituída plataforma Queremos Galego, os seus representantes fan un chamamento para que se sume a esta protesta toda a cidadanía que estea en desacordo co "ataque que está a sufrir o noso idioma". Neste chamado teñen cabida, segundo destacou un dos portavoces do colectivo, Xurxo Souto, "todas as organizacións sindicais, partidos políticos e mesmo votantes do PP", é dicir, "todos aqueles que entendan conculcados os seus dereitos lingüísticos".

Política Lingüística promoverá o galego no exterior

Ler Vieiros 19-09-2009

Os centros de estudos galegos nas universidades de fóra de Galiza recibirán un total de 331 mil euros para darlle "un novo pulo", segundo adiantou a Secretaría Xeral de Política Lingüística. O obxectivo é promover o ensino da lingua e da cultura galega en distintos centros universitarios do mundo, para o que se renovarán os convenios de colaboración que permiten contar cunha rede de lectorados no exterior.

A rede mobilízase por un Culturgal sen a Xunta

Ler en Vieiros 11-09-2009

A cultura galega non debe quedar sen a súa feira. Iso pensan as máis de 350 persoas que en menos de dous días se uniron na rede social Facebook ao grupo “Queremos Culturgal 2009”. Logo de que o mércores se soubese que a Consellaría de Cultura non vai financiar este ano a celebración da feira galega das industrias culturais, púxose en marcha esta iniciativa que quere ser algo máis que unha simple reclamación simbólica. O obxectivo é que no 2009 si haxa Culturgal.

O teatro arrepónse

Ler en El País 18-09-2009

Di Manuel Lourenzo que o teatro "está en pugna coa política porque tamén é política". "Ten que selo". O Premio Nacional das Artes Escénicas de Galicia -o primeiro e o último, de momento- explica así a capacidade de arrepoñerse e o talento para encoirar do teatro galego. As escenas de xuño, cos festivais, as compañías e os actores denunciando o atraso no pagamento das subvencións, as destitucións no Centro Dramático e no Centro Coreográfico e a volta ao traballo por separado.

"O uso partidista da lingua é común a todos"

Ler en El País 18-09-2009

Unha cousa é falar co historiador Ramón Villares, e outra facerlle unha entrevista ao presidente do Consello. O responsable da institución que puxo a andar Ramón Piñeiro en 1983 di que a utilización partidista da lingua é común "a todas as formacións", despois de convir que cómpre renovar "un pacto de non agresión no que respecta á lingua e á cultura". "Ese foi o pacto da Autonomía". O historiador coordina desde hai dous anos, con Josep Fontana, a edición dos 12 volumes de Historia de España. E aclara, indirectamente, por que o responsable do PP na Coruña lle pode chamar "coruñés de pro" a Millán-Astray sen consecuencias políticas: "O canon dos vencedores non foi revisado na Transición".

Villares se une a las críticas de la Academia a la Xunta

Ler en El País 17-09-2009

Ramón Villares, presidente del Consello da Cultura Galega, se sumó ayer a las voces críticas con la política lingüística de la Xunta emanadas desde el galleguismo institucional. "Yo soy miembro de la Academia y, por lo tanto, lo que dice el presidente de la Academia representa el sentir general de los académicos", expuso. Villares se refería a los reproches que Xosé Ramón Barreiro, cabeza de la Real Academia Galega, lanzó a Alberto Núñez Feijóo en Celanova hace dos semanas y en los que instaba al Gobierno a no "crispar" en lo relativo al gallego.

"De baixa intensidade"

Ler en Galicia Hoxe 16-09-2009

O secretario xeral de Política Lingüística, Anxo Lorenzo, recoñece que o proceso de substitución do galego polo castelán en Galicia se acentuou no século XX e continúa até hoxe, sen que as políticas desenvolvidas pola Xunta -analiza até o 2005- lograran atemperar a perda progresiva de galegofalantes e o aumento de cidadáns monolingües en castelán. As opinións de Lorenzo aparecen no seu artigo A situación actual da lingua galega: unha ollada desde a sociolingüística e a política lingüística, publicado no último número na revista dixital Galicia 21. Journal of Contemporary Galician Studies.

"Convers-ando": unha fin de semana en defensa do galego

Para máis información consultar o blogue dos organizadores.

Un grupo de persoas, cuxo punto de encontro é o "amor á lingua", organizan unha camiñata en defensa da lingua galega para a fin de semana do 18,19 e 20 de setembro. A ruta será de Ribadeo a Lourenzá e de Lourenzá a Mondoñedo.

O obxectivo: "Conversar. Contigo. Con ela. Con el. Con vós. Con nós. Botaremos a lingua a pacer, ao clareo, ao orballo. Porque diso trata isto. De soltar a lingua ao vento"

PLAN DE ACTIVIDADES:

-Día 19 a partir das 17.00 h actividades na Praza do Mercado en Ribadeo.

-Día 20 saída de Ribadeo ás 9.00 da mañá, iremos camiñando ata Vilanova de Lourenzá e organizaremos actividades a partir das 17.00 na explanada do Mosteiro de San Salvador de Lourenzá

-Día 21 saída de Lourenzá ás 8.00 da mañá, iremos camiñando ata Mondoñedo e actividades a partir das 14.00 na Praza do Concello.

Haberá un panel para deixar mensaxes, faladoiros, roldas, música e sorpresas.

Consulta o seu blogue